.jpg)
Жақсылық Әмірәліұлы Үшкемпіров-грек-рим күресінен Халықаралық спорт шебері, Қазақстанның еңбек сіңірген спорт шебері, қазақтан шыққан тұңғыш Олимпиада чемпионы (Мәскеу, 1980), Әлем чемпионы (1981), әлем кубогының күміс жүлдегері (1982), екі дүркін Кеңес Одағының чемпионы (1975, 1980), Қазақ КСР еңбек сіңірген жаттықтырушысы, Қазақстанның Еңбек ері (2017).
Жақсылық Үшкемпіров Қазақстанда грек-рим күресінің дамуына зор үлес қосқан біртуар азамат. Оның спорттағы дара жолы жаңа буын палуандарды биік шыңдарды бағындыруға шабыттандырды.
Сарай туралы
Жақсылық Үшкемпіров атындағы Жекпе-жек сарайы Есіл өзенінің сол жағалауында Қабанбай батыр даңғылы, 43 мекен-жайында орналасқан. Сарай тек жекпе-жек (грек-рим, еркін, әйелдер күресі, дзюдо, таэквондо, каратэ) ғана емес, басқа да спорт түрлері бойынша халықаралық спорт жарыстарын өткізу мүмкіндігі бар бірегей спорт кешені болып табылады.
Көпфункционалды заманауи Спорт сарайының ашылуы 2019 жылдың 6 шілдесінде өтті. Қазақстан Республикасы Үкіметінің қаулысымен (2020 жылғы 27 қарашадағы № 802) спорт кешеніне Олимпиада чемпионы, грек-рим күресінен әлем чемпионы, аты аңызға айналған спортшы Жақсылық Үшкемпіровтің есімі берілді.
2021 жылдың 8 қыркүйегінде ел Тәуелсіздігінің 30 жылдығына орай Қабанбай батыр даңғылы және Керей мен Жәнібек хандар көшелерінің қиылысында орналасқан нысан аумағында ескерткіш орнатылды. Жақсылық Үшкемпіров ескерткішінің мүсіні қоладан, тұғыры граниттен жасалған. Биіктігі - 7,5 метр. Оның авторы елордалық мүсінші-Ербол Зиябеков.
Сарай ғимараты Қазақстанның құдіреті мен еркіндігінің символы ретінде қалықтаған алтын қыранды бейнелейтін үшбұрышты пішінге ие. Барлық спорт залдары мен алаңдары халықаралық стандарттарға және халықаралық федерациялардың талаптарына сәйкес келеді.
Спорт кешені 4 қабатты ғимарат, жалпы ауданы 32 146,1 м2. Оған мыналар кіреді: арена, қонақ үй, мейрамхана, асхана, фитнес-орталық, кеңсе бөлмесі, конференц-зал, жекпе-жек залы, күрес залы, фельдшерлік пункт және ашық шағын футбол алаңы.
Ғимараттың әмбебаптығы сіз аренаның функционалдығын толығымен өзгерте алатындығыңызға байланысты. Іс-шара болған жағдайда аренаның ортасындағы кеңістік шараға ерекшелігіне қарай жабдықталады. Бұл бокс рингі, дзюдо төсеніші, гимнастикалық кілем, таэквондо даянги, күрес төсеніштері, баскетбол немесе концерттік алаң болуы мүмкін.
2019-2023 жылдарға арналған әлемдегі ең үздік нысандардың бірі елорда тұрғындары мен қонақтарын мынадай ауқымды шараларға жинады:
КВУ киокушинкай каратэден Азия чемпионаты;
Парадзюдодан Гран-при әлем кубогы;
Дзюдодан Азия чемпионаты;
Қазақ күресінен әлем чемпионаты;
ВТБ лигасының ойындары;
Бокстан «Астана кубогы» халықаралық турнирі;
«ALASH PRIDE 75» ММА халықаралық турнирі;
«Дала қырандары» қазақ-күресінен республикалық турнир;
«Ninety One» тобының концерті;
Амре концерті;
Барыс театры;
Ағайынды Сафроновтардың концерті;
20 жасқа дейінгі грек-рим күресінен халықаралық турнир;
Жасөспірімдер арасында еркін күрестен республикалық турнир;
Министр кубогы (грек-рим күресі, еркін күрес, дзюдо және бокс);
Мүмкіндігі шектеулі балалар арасындағы Республикалық Бочча турнирі;