Жеңіс күні қарсаңында, «Күрес түрлері бойынша олимпиадалық даярлау орталығы» РМҚК қызметкерлері Астана қаласындағы тыл еңбеккерлерінің үйлеріне барып, құрмет көрсетті.

Біз құрмет көрсеткен ардагерлердің қатарында — Ахметов Тұрсынбай және Илья Амбарцумович. Бұл кісілер соғыс жылдарында тылда ерен еңбек етіп, Жеңіс күнін жақындатуға өз үлестерін қосқан.

Осындай жандардың ерлігі мен қажырлы еңбегі — бүгінгі бейбіт өміріміздің негізі. Олар — шынайы патриотизмнің, табандылық пен еңбекқорлықтың үлгісі.

Орталықтың атынан ардагерлерге естелік сыйлықтар табысталып, алғыс айтылды.

Құрметті ардагерлерімізге зор денсаулық, ұзақ ғұмыр және отбасы жылуын тілейміз!