Күрес түрлері бойынша олимпиадалық даярлау орталығының спортшысы, қазақстандық еркін күрес балуаны Ризабек Айтмұхан Понтеведрада (Испания) U20 Әлем чемпионатының жеңімпазы атанды.

Ризабек 97 келіге дейінгі салмақта үздік болып, барлық жекпе-жекте сенімді жеңіске жетті.

Финалда ол Хетаг Карсановқа қарсы күресті (Әзірбайжан). Нәтижесінде біздің спортшымыз 10-0 есебімен жеңіске жетті.

Айта кетейік, өткен жылы Айтмұхан ересектер арасындағы Әлем чемпионатында “Алтын” жеңіп алған болатын. Содан кейін ол 92 келіге дейінгі санатта жеңіске жетті.